Sebastian Vettel, piloti gjerman i Red Bull, po pret me padurim rifillimin e kampionatit botëror të Formulës 1 në pistën belge të Spa-Francorchamps pas pushimeve të verës.
“Cirkuiti i Spa ka gjithçka që mund të ëndërrojë një pilot: kthesa të shpejta, shikane të ngadalta dhe surpriza që vijnë nga moti. Brenda minutës mund të fillojë shiu e më pas të shkëlqejë dielli”, deklaroi kampioni në fuqi.
Gjermani u shpreh i kënaqur edhe me pushimet verore: “Pushimet e verës na ndihmuan të qetësoheshim dhe të merreshim me sportet e ujit, por po pres me padurim të kthehem në pistë.”
Gara e Belgjikës do të zhvillohet në datat 26-28 gusht.
Top Channel
