Superkupa e Shqipërisë do të startojë sezonin e ri futbollistik në vendin tonë.
Skënderbeu dhe Tirana, dy fitueset e sezonit të kaluar, do të kërkojnë sonte në mbrëmje në Korçë të bëjnë të tyrin këtë trofe.
Trajneri i bardhebluve, Julián Rubio Sánchez, deklaron se qëllimi i ardhjes në Korçë është marrja e trofeut që do të jetë i teti në historinë e klubit Tirana.
“Të luash kundër kampionit nuk është asnjëherë e lehtë. Është finale me një ndeshje dhe si e tillë ka një tjetër specifikë. Ne kemi ardhur këtu për të fituar, ky është misioni ynë”, u shpreh trajneri spanjoll i Tiranës.
Po kaq optimistë janë edhe pjesëtarët e skuadrës së Skënderbeut, të cilët pas titullit kampion kërkojnë tu bëjnë dhuratë korçarëve edhe Supekupën e Shqipërisë, i pari ky për qytetin juglindor.
Supersfida Skënderbeu – Tirana do të transmetohet direkt në paketën Supersport në orën 20:00.
Top Channel
