Arjan Beqaj largohet nga Ermis Aradipou
16/08/2011 12:50
Serie A / Atalanta spektakolare, 4-0 ndaj Parmës dhe vazhdon garën për Europën 25/01 17:16
Arjan Beqaj është larguar nga Ermis Aradipou. Portieri shqiptar ka
vendosur të braktisë skuadrën qipriote, për shkak të problemeve që klubi
nga Laranka ka në rangjet drejtuese.
Dorëheqja e disa pjesëtarëve të bordit të Ermisit, të cilët ishin edhe investuesit më të mëdhenj, tronditën financat e ekipit dhe sollën largimin e 10 futbollistëve. Duke parë situatën e krijuar, portieri shqiptar u kërkoi drejtuesve të largohej, pasi Ermis Aradipou nuk i krijonte asnjë garanci për sezonin e ardhshëm.
Megjithatë, klubi ka bërë të ditur se do të bëjë të pamundurën për ta mbajtur “gardianin” 35-vjeçar, si edhe për të normalizuar situatën. Gjithsesi, ky duket një mision mjaft i vështirë, pasi kur mungojnë vetëm dy javë nga starti i kampionatit, skuadra e Ermisit praktikisht është shkrirë.
Top Channel
