![](https://top-channel.tv/wp-content/uploads/2024/06/fr-kkk-442x249.png)
Në një mbledhje të jashtëzakonshme të mbajtur në orët e vona të ditës së premte, qeveria italiane e kryeministrit Berluskoni miratoi një paketë tjetër masash shtrënguese me synim balancimin e buxhetit brenda vitit 2013.
Plani synon kursimin e 45 miliard eurove brenda 2013, një vit me hërët nga sa ishte parashikuar pas paketës së shkurtimeve të rrogave, pensioneve dhe vendeve të punës.
Gjatë fjalës së tij, kryeministri Berluskoni i quajti masat si të dhimbshme, por të pashmangshme.
Masat e reja “shfuqizojnë” paketën e miratuar në muajin korrik që synonte balancimin e buxhetit brenda 2014-s.
Italia është ekonomia më e madhe e eurozonës e prekur nga kriza borxheve dhe për të shmangur kolapsin e saj ndërhyri edhe Banka Qendrore Europiane që tha se ishte e gatshme të blinte borxhin italian.
Top Channel