Serbët vigjilentë nëpër barrikada

Sipas Kosovapress, situata gjatë natës ka qenë e qetë, ndërsa serbët janë vigjilentë nëpër barrikada duke mos dhënë asnjë sinjal për lirimin e rrugës.

“Automjetet e misioneve ndërkombëtare qarkullojnë lirshëm nëpër të gjitha rrugët në veri, përveçse në Rudare ku është i vendosur kryqi në mes të rrugës”, thonë mediat kosovare.

Humbjet e Beogradit nga embargo

Bllokada ekonomike në mes të Kosovës dhe Serbisë do të ndikoje që të humben gjysmë miliardi euro vetëm nga ana e Serbisë. Ndërkaq efekti për bizneset tregtuese të Kosovës ende nuk dihet.

Zyrtarët serbë kanë vlerësuar se kriza nuk mund të ndikoje shumë në ekonominë e vendit, megjithëse është pritur zhbllokimi më i hershëm i mallrave. Një nga temat që pritet të diskutohen me 5 shtator në takimin e grupeve të bisedimeve është edhe problemi i tregtisë. 

Stefanovic: Kriza u kapërcye

Kriza në veri të Kosovës është tejkaluar. Borko Stefanovic, kryenegociatori i Serbisë në bisedimet me Kosovën beson se zgjidhja e problemit do të diskutohet në Bruksel, megjithëse thotë se nuk do të lejohet vendosja e institucioneve të Kosovës në veri dhe se Serbia nuk mund të dëbohet nga Kosova.

Zyrtarët serbë besojnë se trazirat e fundit në veri nuk do të ndikojnë në bisedime, por madje edhe do t’i përshpejtojnë këto bisedime. Stefanovic ka thënë në një deklaratë se shpreson që do të zgjidhet problem i vulave doganore.

Top Channel