Dy aksidente të rënda rrugore ndodhen gjatë orëve të pasdites dhe të mbrëmjes.
Një burrë humbi jetën i goditur nga një makinë në hyrje të autostradës Durrës-Tiranë.
Policia tha se viktima rreth të 60-ve, i cili ende nuk është identifikuar, po përpiqej të kalonte rrugën kur u godit nga një automjet me targa të huaja që drejtohej nga një 25 vjecar me emrin, Ndriçim Duriçi nga Bulqiza.
Një tjetër aksident, por pa viktima ndodhi në rrugën e Gjirit të Lalzit, ku u plagosen lehtë dy persona.
Ndërsa në mbrëmje në aksin Lezhë-Shkodër në kthesën e Dajcit, një motociklet u përplas me një karrotrec i cili po transportonte një autoveturë.
Përplasja ishte shumë e rëndë dhe si pasojë, mbeti i plagosur rëndë drejtuesi i motocikletës, një i ri 20 vjecar i quajtur Klodi Gazulli.
Ai u dërgua menjëherë për ndihmë mjekësore në Spitalin Ushtarak. Policia po heton mbi ngjarjet ndërsa ka ndaluar autorët e të dy aksidenteve në Durrës dhe në Lezhë.
Top Channel