Thaci: Prekja e kufijve, efekt domino
03/08/2011 15:50
Shpërthim gjatë natës në qendër të Zveçanit, policia e Kosovës jep detaje 29/09 09:19
Kryeministri kosovar Hashim Thaci i ka bërë të qartë Serbisë, por edhe BE-së, se prekja e kufirit të Kosovës mund të hapë temën e ndryshimit të kufijve në të gjithë Ballkanin.
Thaci ka ritheksuar se, edhe pas zhvillimeve të fundit në veri të Kosovës, nuk do të ketë kthim prapa në gjendjen e status kuosë.
“Vijat tona të kuqe me Beogradin janë të qarta”, ka deklaruar Thaci gjatë mbledhjes urgjente të qeverisë së tij.
Më tej, duke folur për takimin me zyrtarin e BE Robert Cooper, Thaci ka saktësuar se i ka rikonfirmuar atij prirjet evropiane të Kosovës.
Thaci: Nuk ka me kthim prapa
Kryeministri i Kosovës, Hashim Thaçi deklaron se nuk ka më kthim prapa dhe se aksioni i policisë në veri është bërë në baza kushtetuese dhe ligjore, me qëllim të vendosjes së rendit dhe ligjit në gjithë Kosovën.
Shefi i qeverisë së Kosovës theksoi se “nuk mund të lejohet përjetësisht që një pjesë e territorit të saj të mbetet “vrimë e zezë” jo vetëm në Kosovë, por edhe në Evropë”.
Thaci akuza Beogradit
Disa dite me pare shefi i qeverise, Thaci akuzoi Serbine per dhunen e regjistruar ne veri, pas terheqjes se forcave speciale kosovare.
“Kjo situatë është shkaktuar nga Beogradi dhe është për të ardhur keq që ndodh në momente bashkëkohore dhe të integrimeve euro-atlantike”, ka deklaruar Thaci.
Më tej kryeministri ka shprehur bindjen se, “rendi do të vendoset së shpejti dhe nuk do të ketë kthim në status kuo. Kemi marrë vendime të drejta, që do të realizohen”.
Top Channel
