Vijon në ditën e pestë greva e urisë së minatorëve të Bulqizës, ndërkohë që gjendja e tyre shëndetësore sa vjen edhe rëndohet.
Ndërkohë një ditë më parë një prej minatorëve u dërgua në spital për shkak të përkeqësimit të shëndetit të tij. Mirdash Neziri pasi mori kurimin nga bluzat e bardha u kthye prape ne greve. Edhe kolegët e tij vijojnë grevën e urisë deri në plotësimin e kërkesave të parashtruara.
Minatorët shtojnë kërkesat
Minatorët protestues vendosen nje dite me pare qe t’i thellojnë kërkesat e tyre.
Komisioni i grevës, duke theksuar se askush nga Qeveria apo kompania ACR nuk i vizitoi për të dialoguar rreth kërkesave të bëra më dije, tashmë ka vendosur që të shtojë kriteret që duhen përmbushur.
Në listë është shtuar kërkesa për largimin e administratorit dhe drejtuesit Medat Zogu, si dhe rritja e pagës jo më 20 përqind, por 40 përqind.
ACR rrit pagat me 20 perqind
ACR akuzon drejtues te sindikatës se po e keqperdorin greven per përfitime te ngushta personale dhe jo ne interesin e punonjesve.
“Ne rritëm pagat me 20 përqind dhe sindikata nuk ia komunikoi minatorëve. Kjo tregon qartë se krerët e sindikatave punojnë për ca politikanë në Tiranë dhe jo për interesin e punonjësve të Bulqizës. Nëse dikush do të qëndrojë në grevë urie që Kolë Nikolla të pasurohet, atëherë ky nuk është problemi ynë”, tha drejtori i ACR-se.
Top Channel
