Kosova, mbahet seanca në KS

Por, siç njoftojnë mediat ndërkombëtare shtetet perëndimore të Këshillit gjatë konsultimeve që kanë zhvilluar, nuk janë pajtuar për mbajtjen e një seance të jashtëzakonshme, për ditën e sotme, ku do të diskutohej për ngjarjet e fundit në Kosovë. Për Kosovën do të diskutohet në seancën e rregullt të Këshillit të Sigurimit, që do të mbahet në muajin gusht.

Ambasadori gjerman, Peter Viting, i cili mban presidencën e rradhës së Këshillit të Sigurimit, ka thënë se Bashkimi Europian ishte organi i përshtatshëm për trajtimin e valës aktuale të dhunës në Kosovë.
 
Në Nju Jork, për të qenë afër këtyre zhvillimeve ka shkuar edhe ministri i jashtëm i Kosovës, Enver Hoxhaj, ku ka pasur takime me diplomatë të vendëve të ndryshme.

Serbia ndalohet në Këshillin e Sigurimit

Ministri i Jashtëm serb, Vuk Jeremic u takua me sekretarin e Përgjithshëm të Kombeve të Bashkuara Ban Ki Mun ne Nju Jork, por nuk iu lejua të marrë pjesë në takimin e Këshillit të Sigurimit, të kërkuar prej tij lidhur me tensionet e fundit në pjesën veriore te Kosovës.

Diplomatet e OKB-se thane per agjensine Reuters, se Keshilli ka qene shumë kohë i përcarë për Kosovën, dhe zor se do ta leshoje nje deklarate lidhur me ngjarjet e fundit. Kryediplomati serb u tha gazetareve se zeri i Serbise duhet te ishte degjuar në Nju Jork.

Top Channel