BB kritikon qeverinë

“Disa nga sektoret nuk do te munden te kryejne programe te rendesishme investimesh. Per shembull arsimi. Shpenzimet e Ministrise u shkurtuan qe do te thote se disa nga investimet me te rendesishme nuk do te realizohen. Me tej, praktika e perseritjes se ketyre rishikimeve ne mes te vitit krijon te Ministrite ndjenjen per te avancuar ne gjysmen e pare te vitit me shpenzime kryesisht ne projektet e medha duke neglizhuar mirembajtjen. Por neglizhimi i perseritur mirembajtjes ne periudhe afatmesme do te thote perdorim nenoptimal i fondeve publike. Per me teper eshte edhe faktori i pasigurise qe ndryshimet krijojne tek biznesi”, tha Lvovski.

Ky eshte i treti vit rresht kur parashikimet jorealiste e detyrojne qeverine te shkurtoje buxhetin. Ne vitin 2011 ajo parashikoi nje rritje ekonomike 5.5 per qind, me larte se mesatarja e pesë viteve të fundit para krizes. Zonja Lvovski mendon se qeveria duhet te njohe qe realiteti ekonomik ka ndryshuar.

“Rimekembja ekonomike ne Europe ka qene me e dobet se sa pritej 2 vjet me pare, kur kriza perfundoi. Shqiperia ndikohet sepse partneret e saj kryesore Greqia dhe Italia po perballen me nje krize me te rende nga te gjithe. Po keshtu tani qe ne flasim kemi dhe problemin e borxhit ne Shtetet e Bashkuara. Pra morali eshte se jetojme ne nje mjedis tjeter, ne nje bote tjeter. Me pasiguri me te medha edhe per Shqiperine, per shkak te faktoreve te jashtem. Dhe ky mjedis i ri kerkon nje qasje tjeter ndaj realitetit ekonomik, nje qasje ndryshe nga ato qe para pak kohesh mund te quheshin te arsyeshme. Ne keto kushte do te ishte e kujdeshme te perdoreshin vleresime me konservative per rritjen ekonomike dhe parashikimin e te ardhurave”, tha Lvovski.
 
Edhe rishikimi i mesit te vitit, ku qeveria serish e la rritjen ekonomike ne nivelin 5 per qind, komentohet si ne kahun optimist.

“Fjala kyc tani eshte pasiguria. Ne vleresojme rritjen ekonomike kete vit afer 4 per qind, por serish ka shume gjera qe nuk i kontrollojme dhe mund ti ndryshojne keto parashikime. Une mendoj se Shqiperia ka ne Ministrine e Financave eksperte shume te mire qe cdo vend do te donte t’i kishte. Po keshtu Shqiperia ka performuar dhe po performon me mire ne ekonomikisht se shumica e vendeve ne Europe. Megjithate ka patur nje qasje me optimiste ndaj mjedisit te jashtem, cka u kuptua nga Ministria e Financave. Ne kemi patur diskutime me ekspertet e Ministrise ne lidhje me kete dhe do te jemi te lumtur nese ata do kerkojne ndihmen tone per planifikimin buxhetor per vitin tjeter”, tha Lvovski.
 
Banka e keshillon qeverine te jete më konservatore, pasi kjo do mundesonte tejkalim te ardhurash, te cilat mund te perdoren per te ulur borxhin, e ngecur ne nivelin e rrezikshem 60%

Top Channel