Dy gra rrezikojnë të arrestohen në Rumani pasi janë përpjekur të organizojnë një martesë të sajuar mes dy fëmijëve të tyre të mitur.
Lajmin e bëjnë të ditur agjencitë lokale, sipas të cilave bëhej fjalë për një vajzë 12-vjecare që i ishte shitur vjehrrës së ardhshme dhe një djalë dy vjet më të vogël se ajo.
Ngjarja, e zbuluar nga policia rumune, ka ndodhur në Valul lui Traian, një qytet në jug-lindje të vendit ballkanas.
Nusja e ardhshme është gjetur në shtëpi e lidhur me zinxhirë nga një këmbë tek krevati dhe pas lirimit i është besuar një instituti për fëmijët.
Ndërkohë, autoritetet lokale të drejtësisë, kanë lëshuar një urdhër-arrest ndaj dy grave të përfshira në këtë ngjarje, të cilat janë në kërkim.
Top Channel
