Berisha i propozon Topit shefin e Shtabit
27/07/2011 22:40
Kukës, bie prodhimi i mjaltit! Kanë ndikuar kushtet e motit dhe sëmundjet e bletëve 13/10 12:13
Kryeministri Sali Berisha i ka propozuar presidentit te Republikes Bamir Topi emërimin e Xhemal Gjunkshit si shefi i Shtabit të Përgjithshëm të Forcave të Armatosura.
Propozimi i kryeministrit vjen pasi gjeneral Maksim Malajt i mbaron mandati trevjecar në postin e shefit të Shtabit.
Malaj erdhi në detyre pak kohë pasi kishte ndodhur shkarkimi i Luan Hoxhës për shkak të tragjëdisë së Gërdecit.
Ai drejtoi për tre vjet me radhë ushtrinë shqiptare, duke marrë vlerësime sidomos në përballimin e fatkeqësive natyrore në vend, si edhe në misionet paqeruajtëse në Irak dhe Afganistan.
I propozuari nga kryeministri, gjeneral Gjunkshi, ka drejtuar në tre vitet e fundit brigadën logjistike, e cila ka në strukturat e saj edhe forcat e asgjesimit të municioneve.
Gjeneral Gjunkshi ka drejtuar gjithashtu misione të rëndësishme në ushtrinë shqiptare.
Top Channel
