Peruja zë vendin e tretë në podiumin e Kupës së Amerikës pasi ka mundfur 4-1 Venezuelën, në garën për vendin e tretë e të katërt në stadiumin “Siudad de la Plata”.
Shirok zhbllokon rezultatin në fundin e pjesës së parë ndërsa Guerrero mbyll gjithcka në gjysmën e pjesës së dytë, duke i dhënë sërish përfaqësueses së tij të njëjtin rezultat që kishin arritur edhe në vitin 1997.
Mesfushori i Hamburgut del për momentin në krye të klasifikimit të golashënuesëve të këtij turneu me 5 të tillë.
Edhe pse me një lojtar më pak, Venezuela sulmon e mbyll peruanët në gjysmën e fushës së tyre dhe kjo iniciativë e tyre finalizohet me golin e vetëm të shënuar 11 minuta përpara përfundimit nga Arango.
Për të mos iu afruar përmbysjes së rezultatit, sërish Peruja del në sulm e shënon dy gola të tjerë me Guerreron, duke mbyllur gjithcka në 4-1.
Sot në mbrëmje zhvillohet ndeshja finale e Kupës së Amerikës mes Paraguajit dhe Uruguajit, që do të transmetohet drejtpërdrejtë në paketën Supersport të platformës DigitAlb, në orën 21:00.
Top Channel
