Atentat në memorialin e vëllait të Karzait
14/07/2011 17:00
Protestuesit në Bangladesh rrethojnë selinë e gazetës kryesore duke kërkuar mbylljen (fotot) 25/11 18:58
Një atentator vetëvrasës ka vrarë katër persona në një shërbesë përkujtimore të mbajtur në Kandahar, në nder të vëllait të vrarë të presidentit Karzai.
Autoritetet deklarojnë se atentatori e kishte fshehur eksplozivin në callmën e tij dhe e aktivizoi atë në hyrje të xhamisë ku po mbahej ceremonia.
Presidenti Karzai nuk ishte i pranishëm në shërbesë, ndërsa katër vëllezër të tij ishin, por arritën të shpëtonin pa u lënduar.
Ahmad Wali Karzai, një figurë kontroverse por e rëndësishme në luftën e NATO-s kundër talebanëve, u vra të martën nga truproja e tij.
Presidenti Karzai u nis për në Kandahar ditën e mërkur për varrimin, por u largua nga qyteti para ceremonisë së ditës së sotme.
Deri tani asnjë grup nuk ka marrë përsipër përgjegjësinë e atentatit, që përvec viktimave ka lënë të plagosur edhe 15 persona.
Top Channel
