Murdoch tërhiqet nga blerja e BSkyB
13/07/2011 16:10
Rrëzimi i avionit në Lituani, ngrihen dyshime se mund të jetë i lidhur me sabotim 25/11 22:20
News Corporation e Rupert Murdoch ka njoftuar se po tërheq ofertën e saj për të marrë kontrollin e plotë të transmetuesit satelitor BSkyB.
Njoftimi vjen pasi Dhoma e Ulët e Parlamentit po përgatitej për të votuar një mocion për t’i kërkuar zotit Murdoch tërheqjen.
Tre liderët e partive më të mëdha kanë deklaruar se mbështesnin mocionin, që nuk ka asnjë pasojë ndaj kompanisë së manjatit australian.
Vendimi i News Corporation vjen disa ditë pas dyshimeve për përgjime ilegale telefonash nga gazetat e kësaj shoqërie.
“Ne mendonim se propozimi për blerjen e BSkyB nga News Corporation do të sillte përfitime për të dyja kompanitë, por tani është e qartë se kjo do të ishte shumë e vështirë të bëhej në këtë klimë”, ka deklaruar zëvendëspresidenti i News Corp. Chase Carey.
Top Channel
