Minatorët e Bulqizës kanë protestuar sërish sot në qendër të qytetit, për të kërkuar plotësimin e kushteve të tyre të punës.
Protesta ka pak momente që ka përfunduar dhe gjatë mbajtjes së saj minatorët kanë paralajmëruar se javën e ardhshme mund të hyjnë në grevë urie.
Aktualisht protesta po zhvendoset përpara selisë së kompanisë që administron minierën e kromit.
Minatorët kërkojnë kushte më të mira në punë, rritjen e rrogës, uljen e moshës së pensionit dhe disa kushte të tjera.
Ditën e djeshme kryetari i sindikatës së minatorëve, Kol Nikolla zhvilloi një takim me numrin 2 të Ministrisë së Ekonomisë, takim që përfundoi pa ndonjë rezultat konkret.
Top Channel
