Biden përshëndet marrëveshjet Kosovë-Serbi
07/07/2011 09:45
Srebrenica do të riemërtojë rrugët, injoron gjenocidin, kritikët: Tentim i radhës për ta fshirë historinë e mizorisë 15/04 19:10
Nënpresidenti amerikan Joe Biden dhe Presidentja e Kosovës Atifete Jahjaga zhvilluan një bisedë telefonike.
Sipas një deklarate të zyrës së nënpresidentit, zoti Biden kishte përsëritur përgëzimet e tij për zgjedhjen e zonjës Jahjaga dhe kishte theksuar mbështetjen e vazhdueshme dhe të pakthyeshme të Shteteve të Bashkuara për pavarësinë e Kosovës, integritetin territorial dhe sovranitetin e saj si një demokraci shumetnike.
Nënpresidenti Biden, bën të ditur RTK, ka përshëndetur arritjen e marrëveshjeve të 2 korrikut në dialogun mes Kosovës dhe Serbisë dhe ka theksuar nevojën për përparim të mëtejshëm në çështje që sjellin përfitime praktike për qytetarët e të dyja vendeve.
Nënpresidenti amerikan dhe Presidentja Jahjaga diskutuan gjithashtu mbi përpjekjet e Kosovës për të luftuar korrupsionin, për të forcuar shtetin ligjor dhe për të vazhduar reformat e brendshme në Kosovë, duke nënvizuar se këto janë hapa themelore për tërheqjen e investimeve dhe nxitjen e rritjes ekonomike.
Top Channel
