Kosovë-Serbi, priten 6 marrëveshje

01/07/2011 12:40

Kosova dhe Serbia pritet të nënshkruajnë marrëveshje për 6 cështje që tashmë janë diskutuar në takimet paraprake.

Lajmin e ka bërë të ditur këshilltari politik i negociatores Edita Tahiri, Visar Xani, sipas të cilit Tahiri ka shkuar tashmë në Bruksel për takimin e radhës që do të zhvillohet nesër.

Sipas Xanit, kadastra, liria e lëvizjes, telekomunikacioni, energjia dhe marrëveshjet doganore pritet të jenë disa nga cështjet për të cilat priten zgjidhje konkrete.

Negociatat Serbi-Kosovë kundërshtohen ashpër nga partitë opozitare të të dy vendeve. Ato serbe pretendojnë se Beogradi po njeh pavarësinë e Kosovës, ndërsa ato kosovare se po i falet një pjesë e territorit Serbisë.

Top Channel