Ministri i Jashtëm kosovar, Enver Hoxhaj ka nënshkruar sot në Podgoricë me homologun Milan Rocen tre marrëveshje që kanë të bëjnë me refugjatët.
Lajmin e bëjnë të ditur mediat kosovare, sipas të cilave paktet kanë të bëjnë me ripranimin e refugjatëve pa leje qëndrimi, regjistrimin e mëvonshëm të personave të zhvendosur nga Kosova në regjistrat themeltarë dhe ripranimin e personave qëndrimi i të cilëve në Mal të Zi është joligjor.
Nënshkrimi i këtyre marrëveshjeve cilësohet si një hap përpara në përmbushjen e kritereve integruese dhe si tregues i faktit se dy shtetet janë të gatshme të mbyllin procedurat integruese për në BE.
Top Channel
