Maqedoni, konstituohet Parlamenti i ri
26/06/2011 10:45
Vrasja e Liridona Ademajt, eksperti i Çështjeve të Sigurisë: Është liruar nga qelia njëri prej personave që shiti armën e krimit 04/05 14:12
Në Maqedoni është konstituuar dje Parlamenti i ri, kryetar i të cilit është rizgjedhur Trajko Veljanovski, me 70 votat e mazhorancës.
Opozita maqedonase votoi kundër Veljanovskit, për shkak të politizimit të shprehur nga ai gjatë legjislaturës së kaluar.
Por kryetari, nga ana e tij ka deklaruar se respektimi i Kushtetutës, ligjeve dhe rregullores së Kuvendit do të jenë prioritetet e tij.
“Interesi im parësor do të mbetet Maqedonia, ndërsa mjetet për arritjen e këtij qëllimi do të mbeten Kushtetuta, ligjet dhe rregullorja e Parlamentit”, ka pohuar Veljanovski.
Partia shqiptare në opozitë, PDSH, ka kritikuar subjektin tjetër shqiptar, BDI, për rizgjedhjen e Veljanovskit në krye të Parlamentit.
PDSH ka theksuar se BDI në këtë mënyrë nuk po përmbush premtimet e bëra ndaj shqiptarëve, por partia e Ali Ahmetit e ka hedhur poshtë këtë pretendim.
BDI, në bazë të marrëveshjes me VMRO/DPMNE, do të drejtojë pesë ministri dhe dy poste zëvendëskryeministrash.
Top Channel
