Hoxhaj: Idetë e Tadic, të rrezikshme
13/06/2011 15:45
Ministri i Jashtëm i Kosovës, Enver Hoxhaj është shprehur se deklaratat e presidentit serb për ripërcaktim të kufijve në Ballkan bie ndesh me parimet e Evropës.
Sipas tij, idetë për krijimin e shteteve njëetnike, ndryshimi i kufijve dhe territoreve janë ide shumë të rrezikshme.
“Kufijtë e Ballkanit qëndrojnë. Kosova është produkti i fundit i shpërbërjes së Jugosllavisë dhe ky fakt është njohur nga 76 vende anëtare të OKB-së”, ka deklaruar Hoxhaj.
Qëndrimin e tij shefi i diplomacisë kosovare e ka shprehur në një intervistë për gazetën prestigjoze gjermane, “Frankfurter Allgemeine Zeitung”.
Top Channel