Shqipëria blen edhe inflacion

Rreziku më i madh i inflacionit nga jashtë vjen përmes importit të  karburanteve dhe mallrave  ushqimorë që zënë rreth 35 % konsumit të brendshëm.

Sot këto dy grupe mallrash janë dhe më të shtrenjtat në tregjet ndërkombëtare të cilat po godasin fort edhe buxhetet familjare të shqiptarëve sa herë importi i tyre rritet.  

Rreziku që cmimet të mbeten të shtrenjta bëhet edhe më e madh për faktin se  Shqipëria sot importin më të madh e kryen  me vendet që akualisht kanë cmimet më të larta në treg.

Sipas vlerësimeve të fundit të Entit Europian të Statistikave, Eurostat, norma e inflacionit në Greqi arriti në 4.3%,  në  Kinë është 5.4%  dhe në Itali ka arritur në 2.5 përqind.

Duke iu referuara të dhënave të INSTAT-it për peshën e importeve shqiptare  sipas vendeve vihet re se 75 % e mallrave vijnë nga vendet që sot kanë cmime të larta po aq sa kanë qenë në vitin 2008 kur bota u godit nga një valë e madhe e rritjes së cmimeve.

Inflacioni i importuar vlerësohet se ndikon rreth  60%  në vlerën  inflacionit total në tregun vendas. Shqipëria jo vetëm blen produkte importi, parashikimet janë që  në tregun vendas cmimet të vazhdojnë të mbeten të larta, pavarësisht se prodhimi vendas po i afrohet pikut, pasi sipas të dhënave të fundit cmimi i tyre është më i lartë se një vit më parë.

Top Channel