Stefanovic lëviz lirshëm në Kosovë

Sic mësohet nga disa burime, që nga ora 10 ai ka qëndruar në pjesën veriore të Kosovës, ku ka zhvilluar takime me serbët e asaj pjese.

Po ashtu, sic mësohet, ai ka hyrë në Kosovë pa lejen e institucioneve shtetërore.

I kontaktuar përmes telefonit, zëdhënësi i Policisë së Kosovës, Brahim Sadriu ka thënë për Top Channel, se kishte informacione që Stefanovic kishte hyrë në Kosovë.

Sipas tij, policia u urdhërua që ta largojë Stefanovic nga Kosova dhe që në momentin që do ta gjejnte, do ta ndalonte dhe deportonte jashtë territorit të Kosovës.

Më herët qeveria e Kosovës mori një vendim për largimin e zyrtarëve të shtetit të Serbisë që hyjnë në Kosovë dhe zhvillojnë aktivitete politike pa lejen e institucioneve kosovare.

Top Channel