Serbi, Mlladic ekstradohet në Hagë
31/05/2011 17:30
Ambasada bën bashkë bizneset shqiptare në Kosovë, synohet rrjetëzimi dhe bashkëpunimi mes tyre 31/10 16:54
Autoritetet serbe kanë ekstraduar pasditen e sotme në Hagë ish-gjeneralin serbo-boshnjak Ratko Mlladic.
Sipas agjencive serbe të lajmeve, Mlladic është transportuar me një autokolonë policie në aerodromin “Nikola Tesla”, prej nga është nisur drejt Holandës.
Sipas burimeve, masat e sigurisë kanë qenë shumë të larta, nga frika e ndonjë proteste të mundshme të nacionalistëve kundër ekstradimit.
Ditën e sotme, Gjykata e Lartë e Serbisë hodhi poshtë apelin e avokatit të Mlladic për të kundërshtuar dërgimin në Hagë.
Kjo gjykatë e akuzon ish-komandantin e serbëve të Bosnjes për genocid, krime lufte dhe krime kundër njerëzimit, të kryera në Bosnje gjatë periudhës 1992-95.
Lajmin për ekstradimin e Mlladic e ka konfirmuar para pak castesh edhe ministrja serbe e Drejtësisë, Snezhana Malovic, në një konferencë për shtyp.
Top Channel
