Mlladiç, 100 të arrestuar në Beograd
30/05/2011 08:00
“Mbetjet e Banjskës”, çfarë dihet për armatimin e fundit të konfiskuar në veri të Kosovës! Gjatë kontrolleve u gjetën armë, eksplozivë dhe municion 27/05 18:50
Në përfundim të demonstratës së ultranacionalistëve serbë të zhvilluar mbrëmjen e djeshme në favor të ish-gjeneralit Ratko Mlladiç kanë shpërthyer përleshjet mes policisë dhe ekstremistëve.
Nga këto përleshje kanë mbetur të plagosur 17 persona ndërsa numri i të arrestuarve është 100.
Mes të plagosurve 13 janë agjentë policie dhe 4 janë huliganë të cilët kanë sulmuar policinë me hedhje gurësh dhe shishesh.
Në sheshin e Beogradit ishin të pranishëm rreth 10 mijë demonstrues.
Manifestuesit u mblodhën në shesh për të protestuar kundër arrestimit të Ratko Mlladiç. Ata kishin veshur bluza ku shkruhej: “Eshtë vallë krim të mbrosh Serbinë?” dhe mbanin në duar pankarta kundër qeverisë së Boris Tadiç të cilin e konsiderojnë tradhëtar për shkak të mbështetjes që ai dha për arrestimin e Mlladiç.
Top Channel
