Arrestimi i Mlladic, OKB uron Serbinë
28/05/2011 10:20
Këshilli i Sigurimit i OKB-së ka uruar Serbinë për arrestimin e
gjeneralit Ratko Mlladic, i akuzuar për krime lufte, kundër njerëzimit
dhe genocid.
“Anëtarët e Këshillit të Sigurimit urojnë Serbinë për arrestimin e Ratko Mlladic më 26 maj”, ka deklaruar presidenti i radhës i KS, francezi Gerard Araud.
Sipas Araud, arrestimi i gjeneralit është një dëshmi e pastër e bashkëpunimit të qeverisë së Serbisë me gjykatën ndërkombëtare të Hagës.
Mlladic u arrestua paraditen e së mërkurës, në një shtëpi në fshatin Lazarevo, rreth 80 kilometra në veri të Beogradit, pas 16 vjetësh arrati.
Top Channel