Të prekurit nga HIV
07/05/2011 16:50
Më pak grurë në ara! Fermerët po korrin, por janë të pakënaqur me prodhimin këtë vit
20/06 18:01
25 persona janë identifikuar në vendin tonë këtë vit të prekur nga virusi HIV, duke e çuar numrin total në 430. Shifrat janë të ulëta në krahasim me vendet e tjera, por specialistët shprehen të shqetësuar pasi vetëm 5% e popullatës kryen këtë analizë.
Mjekët thonë se nëse gratë e prekura nga HIV do ta dinin këtë, do të kishin mundësi që ta shmangnin lindjen e fëmijëve të infektuar.
“Vetëm 5% e grave shtatzëna testohen për HIV. Të testuarit dhe marrja e masave të duhura e çon rrezikun e transmetimit nga nëna tek fëmija pothuajse 0”, shprehet mjeku Roland Bani.
Por të rinjtë janë edhe me të rrezikuar nga ky virus dhe përgjithësisht nga sëmundjet seksualisht të transmetueshme. 16% e të rinjve në moshën 16 deri 18 vjeç kryejnë marrëdhënie seksuale pa masa mbrojtëse.
“Marrja e masave mbrojtëse, kondomi, është shumë i rëndësishëm pasi ndalon edhe transmetimin e sëmundjeve të tjera dhe vetëm 6% e të intervistuarve kanë deklaruar se e përdorin atë”, deklaroi Bani.
Të sëmurët me HIV-AIDS diagnostikohen me vonesë, çka bën që kurimi i tyre të jetë i vështirë.
Top Channel
