Catherine Ashton, Përfaqësuese e Lartë e Bashkimit Evropian për Politikë
të Jashtme dhe Siguri, zëvendëskryesuese e Komisionit, ka përshëndetur
të premten vendimin e Këshillit për emërimin e Fernando Gentilini-t, si
Përfaqësues Special i Bashkimit Evropian në Kosovë deri më 31 korrik
2011.
”Jam shumë e kënaqur që Këshilli, në bazë të rekomandimit tim, ka emëruar Fernando Gentilini-n si Përfaqësues Special të BE-së në Kosovë. Fernando Gentilini e njeh shumë mirë Ballkanin Perëndimor e veçanërisht Kosovën, dhe unë pres të bashkëpunoj shumë të ngushtë me të”, tha Ashton, bën të ditur Radio Televizioni i Kosovës.
Sipas saj, Gentilini do të bëjë përgatitjet për një prani të fuqishme dhe afatgjate të BE-së në Kosovë, në përputhje me Traktatin e Lisbonës dhe me perspektivën evropiane të tërë rajonit.
Top Channel
