Maqedoni, zyrtarizohet data e zgjedhjeve
15/04/2011 14:05
Numërohen pothuajse të gjitha votat në Maqedoninë e Veriut! Osmani 40 mijë vota para Taravarit 25/04 09:57
Kryetari i Parlamentit të Maqedonisë, Trajko Veljanovski shpalli sot zyrtarisht 5 qershorin si datën e mbajtjes së zgjedhjeve të parakohshme.
“Sot, në bazë të detyrimeve kushtetuese dhe të vendimit për shpërbërjen e Parlamentit, nënshkrova vendimin për shpalljen e zgjedhjeve të parakohshme parlamentare, më 5 qershor 2011”, ka deklaruar Veljanovski.
Ai ka ftuar të gjitha forcat politike që të përmbushin detyrimet e tyre dhe të tregojnë përgjegjshmëri, para, gjatë dhe pas procesit.
“Cdo parti ka shansin që të ndihmojë në krijimin e një atmosfere konstruktive dhe në forcimin e besimit të ndërsjellë”, ka deklaruar Veljanovski.
Zgjedhjet e parakohshme në Maqedoni do të mbahen pas kërkesave të vazhdueshme të opozitës, në vecanti partisë së Branko Cervenkovskit, LSDM, e cila bojkotoi Parlamentin në shenjë proteste ndaj sulmeve që qeveria po u bënte disa mediave dhe shoqërive të afërta me opozitën.
Top Channel
