Barroso: Maqedonia të zgjidhë “emrin”
09/04/2011 18:40
Ngjarje e rëndë në Kosovë, tre të plagosur me armë zjarri dhe një tjetër me thikë 01/05 17:18
Presidenti i Komisionit Evropian, Jose Manuel Barroso, gjatë vizitës së tij në Ohër i ka bërë thirrje qeverisë maqedonase që të realizojë reformat, Marrëveshjen e Ohrit dhe të zgjidhë cështjen e emrit me Greqinë.
Duke folur në një konferencë për shtyp, Barroso është shprehur se vetëm në këtë mënyrë Maqedonia mund të ecë përpara në procesin e afrimit me Bashkimin Evropian.
“Shpresoj që cështja e emrit të zgjidhet shpejt. Nga ana tjetër, i kam bërë të qartë kryeministrit Gruevski nevojën për progres në dialogun politik, në realizimin e reformave gjyqësore e administrative, si dhe në luftën kundër korrupsionit, në mënyrë që axhenda evropiane të kthehet në vendin e saj”, ka deklaruar Barroso.
Ai e ka vënë theksin edhe tek zgjedhjet e parakohshme, duke kërkuar zhvillimin e tyre në mënyrë transparente dhe në përputhje me standartet ndërkombëtare.
Ndërsa kryeministri Gruevski, nga ana e tij ka shprehur gatishmërinë që dialogu mes Maqedonisë dhe BE-së të vendoset në nivele më të larta, me dy takime në vit, njëherë në Shkup dhe herën tjetër në Bruksel.
Top Channel
