Kouchner: Shtëpia e verdhë doli e kaltër
07/04/2011 13:15
Prokuroria nis hetimet ndaj ish-presidentit malazez, shkak intervista e Gjukanoviç pas arrestimit të zyrtarëve 26/04 21:51
Misioni i Kombeve të Bashkuara në Kosovë ishte në dijeni për abuzimet, por kurrë nuk dëgjuam për trafik organesh.
Kështu është shprehur në një intervistë dhënë televizionit zviceran TSR, ish-përfaqësuesi i lartë i OKB-së për Kosovën, Bernard Kouchner, në lidhje me akuzat e bëra nga Carla Del Ponte lidhur me trafikun e organeve.
Ai po ashtu denoncoi edhe raportin e Dick Marty-t, të miratuar nga Asambleja Parlamentare e Këshillit të Europës.
“Ata kërkonin një shtëpi të verdhë dhe e gjetën një të kaltër”, ka ironizuar Bernard Kouchner, transmeton “Zëri”.
I pyetur nga gazetari Darius Rochebin, rreth trafikimit të organeve, ish-ministri i Jashtëm francez filloi të qeshë ashtu siç kishte bërë kohë më parë në Graçanicë kur u pyet nga një gazetar serb rreth shtëpisë së verdhë.
Ai thotë se nuk beson dhe se asgjë nuk është vërtetuar, pavarësisht nga raporti i Marty-t.
“Kam lexuar raportin me kujdes, unë pres një hetim”, tha Kouchner.
Ndërkohë, ai nuk është bindur nga provat e ofruara deri më sot. “Mikja ime, Carla Del Ponte, e cila tha se ishte në atë shtëpi të verdhë ku gjetën një shiringë… Kjo nuk është serioze”, ka thënë ish-kryeadministratori ndërkombëtar i Kosovës.
Top Channel
