Prishtinë, PTK, protestë para Kuvendit
31/03/2011 14:30
“Shqiptarët s’votojnë presidentin”, Ali Ahmeti “mesazh” Kurtit para zgjedhjeve: Kosovës i duhet Maqedonia e Veriut
06/05 20:07
Punonjës të Postë Telekomit të Kosovës dhe aktivistë të lëvizjes “Vetëvendosje” po protestojnë para ndërtesës së Kuvendit në Prishtinë.
Ata u mblodhën për të kundërshtuar privatizimin e PTK-së të parashikuar në projektbuxhetin e ri të Kosovës i cili po votohej në Kuvend.
Situata është tensionuar menjëherë pas miratimit të buxhetit, i cili u njoftua jashtë mjediseve të Kuvendit nga deputetët e Vetëvendosjes.
Pas këtij lajmi turma tentoi të futej me dhunë në mjediset e Kuvendit, por u ndalua nga forcat e rendit të cilët i spërkatën protestuesit për t’i larguar.
Disa protestues si dhe gazetarë në vendngjarje u lënduan dhe si pasojë janë dërguar në spital.
Ndërkohë, sipas burimeve në vendngjarje, ata janë duke pritur një takim me kryetarin e Kuvendit.
Protestuesit thonë se nuk do të largohen nga Kuvendi derisa të plotësohen kërkesat e tyre për heqjen e privatizimit të PTK-së nga buxheti i Kosovës.
Para protestuesve foli udhëheqësi i “Vetëvendosjes”, Albin Kurti i cili tha se privatzimi i PTK-së dhe ndërmarrjeve kryesore të Kosovës është privatizimi i vetë shtetit.
Top Channel
