Një shkencëtare në fushat e tenisit
24/03/2011 17:40
U përfol për një kalim i mundshëm te City ose Juventusi, Enzo Maresca: Ja si qëndron e vërteta 19/12 16:56
Nuk është ende numri një në botë në tenisin femëror, por francezja Marion Bartoli është pa dyshim “shkencëtarja” e vetme në xhiron e këtij sporti.
Duke folur pas finales së humbur me Caroline Wozniacki në Masterin e Los Anxhelosit, Bartoli bëri të ditur se zotëron një koefiçent zgjuarsie prej 175, më të lartë se Albert Einstein apo Bill Gates, ndërsa vetëm ish-kampioni i botës në shah, Gary Kasparov, është më i zgjuar.
”Bëra testin e zgjuarsisë kur isha e vogël, por nuk jam një njeri që del në rrugë dhe thotë shikoni sa e zgjuar jam. Kam tendencë ta fsheh, por është pikërisht kështu, është një dhunti e lindur”, deklaroi Bartoli, përpara gazetarëve.
Kërkimet e fundit universitare kanë dëshmuar për një lidhje të drejtëpërdrejtë midis sportit dhe përmirësimit të zgjuarsisë. Kompozitori gjerman, Ludwig van Beethoven zotëronte një koefiçent inteligjence prej 165, ndërsa Einstein e Gates prej 160.
Këto të dhëna dëshmojnë se nëse Bartoli nuk do t’i ishte dedikuar tenisit, ajo mund të ishte shndërruar në një shkencëtare me famë botërore.
Top Channel
