Në 26 qytete të Kosovës sot do të protestohet kundër arrestimeve të fundit ndaj disa ish pjestarëve të UÇK-së nga policia e EULEX-it.
Këto protesta janë të organizuara nga Organizatat e Veteranëve, Familjeve të Dëshmorëve dhe të Invalidëve të luftës së UÇK-së, si dhe do të mbështeten nga disa organizata tjera nga shoqëria civile.
Sipas organizatorëve përmes kësaj proteste do të kundërshtohet demonizimi i luftës çlirimtare nga misioni evropian EULEX, kurse ndaj këtij misioni do të paraqiten edhe kërkesa rreth rolit të tij.
Në një komunikatë për media të Organizatave të dala nga lufta e UÇK-së theksohet se protesta është gjithëpopullore, dhe se do të mbahet njëkohësisht në 26 qendra të Kosovës, në Besianë, Burim, Dardanë, Deçan, Drenas, Ferizaj, Fushë-Kosovë, Gjakovë, Gjilan, Han i Elezit, Kaçanik, Kastriot, Klinë, Lipjan, Malishevë, Pejë, Prishtinë, Prizren, Rahovec, Sharr, Shtime, Skënderaj, Therandë, Viti dhe Vushtrri.
Top Channel
