Giffoni: Mos kini frikë nga bisedimet
18/03/2011 10:35
Ambasadori italian në Kosovë, Michael Giffoni ka deklaruar se Prishtina nuk duhet të ketë frikë nga procesi i bisedimeve me Beogradin.
Në një intervistë për të përditshmen “Express”, Giffoni ka shprehur bindjen e tij se Kosova mund të përfitojë nga ky dialog.
“Ndjenja e frikës ndoshta është e lidhur me konfrontimin e lartë politik në procesin e gjatë dhe frustrues të zgjedhjeve. Në thelb, kjo është e vërtetë”, ka deklaruar Giffoni.
Ai ka theksuar se pas formimit të institucioneve të reja pas zgjedhjeve, Prishtina zyrtare duhet të përqendrohet tek zhvillimi ekonomik i Kosovës dhe tek lufta kundër krimit.
Top Channel