Thaçi në samitin e liderëve botërorë

Në një fjalim të gjatë të mbajtur në samitin e liderëve botërorë, kryeministri Thaçi ka thënë se Kosova është e gatshme të luajë rolin e vet duke e zhvilluar ekonominë, duke e përgatitur rininë për tregun botëror të punës, dhe duke e përmirësuar klimën e investimeve e të sundimit të ligjit.

Po ashtu kreu i ekzekutivit kosovar ka folur edhe për raportet në të kaluarën ndërmjet Kosovës dhe Serbisë, që sipas tij “është e hidhur e armiqësore, por tani është hapur një kapitull i ri, ai i integrimeve euro-atlantike të të dyja vendeve”.

Në një komunikatë për shtyp të zyrës së kryeministrit thuhet se, z. Thaçi ka kërkuar nga vendet që ta njohin realitetin e ri në Kosovë, t’i përcjellin arritjet e saj dhe të binden në shoqërinë e pjekur dhe demokratike kosovare.

Kreu i qeverisë kosovare ka paraqitur të dhëna edhe për popullësinë e shtetit të ri, ndërsa e ka paraqitur Kosovën edhe si vend të përshtatshëm për investime të huaja.

Kjo është hera e parë që një kryeministër kosovar merrë pjesë në një samit të tillë, ku liderët e të gjitha vendeve mblidhen për të diskutuar për ndryshime.

Top Channel