Krasniqi: Veriu, jo statusit të posacëm
15/03/2011 13:00
“Sinjale alarmi nga Ballkani… po përsëritet historia?”, DW: Duhet përgatitje për skenarin më të keq 05/05 09:59
Kryetari i Kuvendit të Kosovës, Jakup Krasniqi e ka cilësuar si të papranueshëm propozimin e Grupit Ndërkombëtar të Krizave për një status të posacëm për veriun.
“Pakoja e Ahtisarit është kompromisi më i madh që ka bërë Kosova, prandaj cdo gjë jashtë kësaj pakoje do të jetë absolutisht e papranueshme”, ka deklaruar Krasniqi.
Ai ka theksuar se një gjë e tillë, për krijimin e një statusi të përkohshëm për zonën më problematike të shtetit të ri, bie ndesh me vullnetin e qytetarëve.
Ndërkohë, duke folur për bisedimet me Serbinë, kryeparlamentari ka thënë se ato kanë vonuar njohjet e pavarësisë së Kosovës.
Këto komente Krasniqi i bëri në fund të mbledhjes së kryesisë së Kuvendit, ku u vendos që më 25 mars, në seancën parlamentare të diskutohet projektbuxheti për vitin 2011.
Top Channel
