Kroacia drejt zgjedhjeve parlamentare
09/03/2011 21:40
Mbyllja e filialeve të Bankës Postare Kursimore në veri të Kosovës, Serbia dënon aksionin! 20/05 19:56
Kroacia do të shkojë së shpejti në zgjedhje parlamentare, hipotezë kjo e ngritur pas protestave të vazhdueshme të banorëve kundër qeverisë dhe në vecanti korrupsionit.
Lajmin e ka bërë të ditur vetë kryeministrja e Kroacisë, Jadranka Kosor, e cila megjithatë ka saktësuar se data për zgjedhjet do të caktohet pasi të jenë mbyllur bisedimet për anëtarësimin në BE.
Në të njëjtën linjë është shprehur edhe nënkryetari i Parlamentit kroat, Josip Friscic, i cili ka nënvizuar se përcaktimi i një date në këto momente do të dëmtonte procesin e integrimit.
Komisioni Evropian miratoi më dy mars raportin lidhur me progresin e Kroacisë në procesin e anëtarësimit në BE.
Në raportin në fjalë Brukseli vlerësonte se vendi ballkanas duhet të bëjë reforma më të thella në fushën e drejtësisë dhe në luftën kundër korrupsionit.
Deri tani Kroacia ka përmbushur 28 nga 35 kapitujt e procesit të bisedimeve me Bashkimin Evropian.
Top Channel
