Kampionët brazilianë mundin “yjet” çeçenë

Ai deklaroi se organizoi ndeshjen, ku realizoi një dopietë, për të treguar se Çeçenia është rimëkëmbur nga vitet e luftës për pavarësi nga Rusia.

Kadyrov, një njeri i besuar i Kremlinit, bëri të mundur që kryeqendra e krahinës, Grozni, të vizitohej prej yjeve si Romario, Dunga, Bebeto dhe Cafu.

Kadyrov është akuzuar gjerësisht më parë për abuzim me të drejtat e njeriut dhe ai konsiderohet si një njeri i urryer dhe i korruptuar, nga shumë çeçenë që vazhdojnë të ëndërrojnë një shtet të pavarur.

Kadyrov deklaroi se brazilianët nuk morrën asnjë pagesë, por erdhën deri në Çeçeni në një shenjë falenderimi për kontributin e tij financiar për të përmbyturit e Rio de Zhaneiros.

Deklarata është pak e besueshme dhe besohet se lojtarët e dy përfaqësueseve kampione bote fituan shuma të rëndësishme për të udhëtuar deri në Çeçeni.

Përpara ndeshjes, 34-vjeçari Kadyrov dhuroi një shfaqje personale në stadiumin e tejmbushur, duke kërcyer një valle tradicionale dhe duke brohoritur “Allahu është i madh”, përpara se fishekzjarret të lëshoheshin dhe të këndohej himni i Rusisë.

Në përfundim të ndeshjes, Dunga, i cili ishte edhe trajner edhe lojtar i përfaqësues braziliane, nuk pranoi të zbulonte nëse ekipi i tij kishte toleruar apo jo ndaj çeçenëve.

Nga tjetër, përfaqësuesja e krahinës përbëhej nga lojtarë aktualë të Terek Groznit, nga ish-futbollistë të kombëtares së Bashkimit Sovjetik e Rusisë, si dhe nga mesfushori gjerman, Lothar Matheus, i cili aktualisht ëshët trajner i Bullgarisë.

Top Channel