Kryetari i Parlamentit të Kosovës, Jakup Krasniqi ka deklaruar se qeveria kosovare mund të zhvillojë bisedime me Serbinë edhe pa konsensusin e Kuvendit.
Por këto bisedime, ka theksuar Krasniqi, duhet të përqendrohen tek cështjet teknike, pasi cështja e statusit është mbyllur prej kohësh.
“Bisedimet me karakter politik kanë përfunduar në Vjenë, ndërkohë që tani është koha për bisedime teknike për të rregulluar jetën e qytetarëve të të dyja vendeve”, ka pohuar Krasniqi.
Ai ka nënvizuar se me rezolutën e re që pritet të miratohet ditën e enjte do të përcaktohen vijat e kuqe për të cilat nuk duhet të negociohet.
“Ndërsa për cështje të tjera, si ato teknike, qeveria mund të bisedojë pa pyetur fare Kuvendin”, ka shtuar Krasniqi.
Top Channel
