Policia gjermane, vazhdon hetimet për Ukën
05/03/2011 14:45
Policia gjermane bën të ditur mëngjesin e sotëm, se është duke hetuar, nëse 21 vjeçari Arif Uka nga Mitrovica, ka patur lidhje me grupe terroriste, apo ka vepruar i vetëm, në sulmin e tij kundër një autobusi me ushtarakë amerikane.
Ministri i Brendshëm i landit të Hesenit, Boris Rajn, deklaroi se nga hetimet e deritanishme, nuk ka dalë asnjë gjë.
Revista “Der Shpigel” ka cituar burime të hetimit, sipas të cilave, sulmi ishte i planifikuar.
Ngjarja është dënuar nga Prishtina zyrtare, Berlini dhe Uashingtoni, që kanë kërkuar nxjerrjen sa më parë të autorit përpara drejtësisë.
Top Channel