Juppe: Parisi, pranë Serbisë dhe Kosovës
04/03/2011 11:15
Vrasja e Liridona Ademajt, eksperti i Çështjeve të Sigurisë: Është liruar nga qelia njëri prej personave që shiti armën e krimit 04/05 14:12
Ministri i ri i Jashtëm francez, Alain Juppe ka mirëpritur përgatitjet e Prishtinës dhe Beogradit për nisjen e bisedimeve të reja.
Juppe ka deklaruar se dialogu i mbikëqyrur nga BE do të nisë shumë shpejt dhe ka vlerësuar emërimet e drejtuesve të delegacioneve.
“E rëndësishme është se ndaj këtyre bisedimeve do të ketë qëndrime konstruktive, në mënyrë që problemet e përditshme të qytetarëve të marrin përgjigje”, ka pohuar Juppe në një intervistë për “Vecernje Novosti”.
Shefi i diplomacisë franceze ka nënvizuar se në këtë proces Parisi zyrtar do të mbështesë përpjekjet e shefes së Politikës së Jashtme të BE, Catherine Ashton.
“Franca do të jetë pranë serbëve dhe pranë kosovarëve, për t’i inkurajuar që të vazhdojnë rrugën e pajtimit. Kjo do të jetë e vështirë dhe do të kërkojë kohë, por unë nuk dyshoj në vullnetin e liderëve të të dyja vendeve që të ecin përpara në këtë drejtim”, ka shtuar Juppe
Top Channel
