Policia austriake ka arrestuar ish-gjeneralin boshnjak Jovan Divjak, në kuadër të një urdhër-arresti të lëshuar nga Serbia.
Drejtësia serbe e akuzon Divjak si përgjegjës për sulmin vdekjeprurës ndaj një fraksioni të ushtrisë jugosllave në vitin 1992, në Sarajevë.
Për të njëjtën ngjarje Beogradi akuzon edhe ish-presidentin e Bosnjes, Ejup Ganic, i cili aktualisht jeton në Britaninë e Madhe.
Vitin e kaluar një gjykatë britanike hodhi poshtë kërkesën për ekstradim të bërë nga Beogradi, duke vlerësuar se ajo ishte e motivuar politikisht.
Top Channel
