Tanqet izraelite plagosin 11 palestinezë
23/02/2011 21:25
Kina, e zemëruar me SHBA-në për mbështetjen ndaj Tajvanit: Po luan me zjarrin 22/12 11:14
Zjarri i tanqeve izraelitë ka plagosur të paktën 11 persona në Rripin e Gazës gjatë mbrëmjes, në atë që ishte një kundërpërgjigje ndaj një sulmi të mëparshëm me mortajë.
Lajmin e raportuan zyrtarë palestinezë, të cilët shtuan se midis të plagosurve, gjashtë janë militantë, ndërsa pesë civilë të ndodhur në zonë.
Disa orë më parë, militantët shpërthyen një bombë në distance, ndërsa një makinë e ushtrisë izraelite ishte duke kaluar, ndërsa më pas ata sulmuan edhe me mortaja.
Ushtria izraelite u kundërpërgjigj duke qëlluar me predha tanqesh mbi zonën nga ku po qëlloheshin mortajat. Sipas burimeve zyrtare, dy prej militantëve janë në gjendje kritike për jetën.
Top Channel
