Ish-Ministri libian: Gaddafi urdhëroi Lokerbinë
23/02/2011 16:05
Trump zotohet të anulojë vendimin mbi ndalimin e shpimeve të naftës dhe të gazit në det 13/01 08:47
Ish-Ministri i Drejtësisë në Libi, deklaroi në të përditshmen suedeze “Expressen”, se kolonel Muammar Gaddafi urdhëroi personalisht masakrën e Lokerbisë.
Një avion i “Pan Am”-it shpërtheu në ajër mbi fshatin skocez të Lokerbisë, në vitin 1988, duke vrarë 270 persona. I vetmi person i kapur dhe i shpallur fajtor për këtë ngjarje ishte një terrorist libian.
Një prej figurave më të rëndësishme të jetës politike libiane në epokën 42-vjeçare të Gaddafi-t, Mustafa Abdel-Jalil, deklaroi: “Kam prova se ishte vetë Gaddafi ai që urdhëroi masakrën e Loberkisë.
Për t’a fshehur këtë, ai bëri gjithçka që kishte në dorë për të liruar al-Megrahin nga burgu nga mbahej në Skoci (i referohet terroristit të dënuar me burgim të perjetshëm, i liruar në 2009-n, pasi ishte në muajt e fundit të jetës, për shkak të një sëmundje të pashërueshme. Çuditërisht, ai është ende gjallë edhe sot).
Megjithatë, Abdel-Jalil nuk dha prova specifike për përfshirjen e diktatorit në atë që ishte akti terrorist me më shumë viktima në avioacion, deri në momentin kur ndodhi.
Top Channel
