Forca policore në Kalanë e Shkupit
19/02/2011 12:50
Prokuroria nis hetimet ndaj ish-presidentit malazez, shkak intervista e Gjukanoviç pas arrestimit të zyrtarëve 26/04 21:51
Agjentë të policisë dhe pjesëtarë të njësive speciale në Maqedoni po sigurojnë Kalanë e Shkupit, objektet fetare dhe pjesë të tjera të qytetit ku jeton popullsi e përzierë shqiptare dhe maqedonase.
Këto masa, të urdhëruara nga Ministria e Brendshme, po ndërmerren pas paralajmërimeve të disa nacionalistëve maqedonas për protesta të reja pranë kalasë.
Masat vijnë gjithashtu pas incidentit të regjistruar javën e kaluar në Kalanë e Shkupit, ku nga përleshjet mes shqiptarëve dhe maqedonasve disa persona mbetën të plagosur, mes të cilëve dy policë.
Ndërkohë, ministrja e Punëve të Brendshme Gordana Jankulovska, si dhe autoritete të tjera kanë bërë thirrje të vazhdueshme që qytetarët të mos i përgjigjen apeleve për protesta të reja.
Top Channel
