Bahrein, opozita refuzon bisedimet
19/02/2011 08:00
Tragjike! Pasagjeri ndërron jetë në bord, avioni po udhëtonte drejt… 15/01 16:42
Grupi kryesor i opozitës në Bahrein refuzoi ofertën e Mbretit Hamad bin Isa al-Khalifa, për një dialog kombëtar.
Antarë të lartë drejtues të partisë Wefaq, një grup që përfaqëson shumicën shiia të popullësisë, kërkoi dorëheqjen e qeverisë dhe tërheqjen e ushtrisë nga rrugët e kryeqytetit Manama, si kushte paraprake për t’u ulur në bisedime.
Wefaq-i e bëri të ditur qëndrimin e tij gjatë mëngjesit, nëpërmjet një komunikate zyrtare, e shpërndarë edhe në rrjetet ndërkombëtare të lajmeve.
Bahreini është vendi i fundit arab që është tronditur nga protestat. Katër protestues u vranë nga forcat e sigurisë ditën e enjte.
Trupat hapën zjarr në manifestimin e realizuar gjatë varrimit të tyre, duke shkaktuar plagosjen e të paktën 50 personave.
Gjatë mbrëmjes së fundit ishte mësuar se Mbreti Hamad, i kërkoi djalit të tij më të madh, Princit të Kurorës Salman, që të niste një debat mbarëkombëtar, për zgjidhjen e krizës politike.
Top Channel
