Kosovë, Krasniqi mandaton Thacin
18/02/2011 14:25
Aktakuzë ndaj pesë zyrtarëve në Kosovë, dyshohet se kanë i kanë shkaktuar dëm shtetit mbi 120 mijë euro 24/12 12:15
Ushtruesi i detyrës së presidentit të Kosovës, Jakup Krasniqi emëroi zyrtarisht Hashim Thacin si mandatar për formimin e qeverisë së re të Republikës së Kosovës.
Në një njoftim zyrtar nga presidenca e Kosovës thuhet se, “sipas vendimit mandatari i nominuar, zoti Hashim Thaci ftohet që në afatin më të shkurtër kohor të bëjë koalicionet e nevojshme me partitë politike për të formuar koalicionin për qeverinë e re dhe të dalë me propozim para Kuvendit të Republikës së Kosovës”.
Dy ditë më parë, vetë kryeministri në largim Hashim Thaci kishte deklaruar se fillimi i javës do ta gjejë Kosovën me një qeveri të re.
Këto fjalë ai i tha gjatë mbledhjes së fundit të qeverisë në largim dhe dy ditë pasi ishte arritur dhe marrëveshja me Aleancën Kosova e Re, të cilës i takon sic kishte kërkuar posti i presidentit të Republikës.
Beteja tani është përqendruar në ndarjen e minisrive mes PDK-së, AKR-së, Listës Rugova dhe partive të pakicave.
Top Channel
