Itali, emigrantët, mund të ketë terroristë
17/02/2011 20:10
Analiza/ Refugjatët sirianë në Evropë dhe kthimi i tyre në Siri 24/12 16:40
Italia është e shqetësuar se midis më shumë se 5 mijë emigrantëve që kanë zbarkuar në brigjet e saj në ditët e fundit, mund të ndodhen edhe eksponentë të Al-Qaeda.
Sipas një raporti të CNN, publikuar gjatë mbrëmjes në rrjetin amerikan, ekziston një frikë se organizatat terroriste mund të përfitojnë nga mungesa e stabilitetit në vendet e Afrikës së Veriut.
”I kam këruar shërbimeve sekrete dhe atyre policore që të tregohen shumë të kujdessme në identifikimin e të gjithë emigrantëve, pasi Al-Qaeda mund të shfrytëzojë këtë shpërthim në vendet e magrebit”, deklaroi Ministri i Brendshëm i Italisë, Roberto Maroni.
Azilkërkuesit kanë lundruar për në ishullin e vogël italian të Lampeduzës, nga disa porte të ndryshme tuniziane. Shumica e tyre kanë paguar deri në 2 500 euro për këtë udhëtim.
Fakti që transporti është organizuar nga rrjete të caktuara mafioze, rrit mundësinë që të ekzistojë një lidhje me terrorizmin.
Pamundësia e Tunizisë dhe mungesa e stabilitetit në vendet fqinje, ka bërë të pamundur ruajtjen efektive të ujrave dhe kufijve shtetëror.
Duke u favorizuar nga situata, më shumë se 10 mijë emigrantë të jashtëligjshëm kanë mbërritur deri tani në Itali gjatë vitit 2011, më shumë nga sa zbarkuan gjatë të gjithë vitit 2010.
Top Channel
