Britani, martesë në Shën Valentin

Kënga e shkruar nga John Lenon dhe Paul McCartney do të kthehej në himnin e të dashuruarve për miliona britanikë dhe adhuruesit e tyre në të gjithë botën.

Sot, në ditën e të dashuruarve nën tingujt e kësaj kënge 800 cifte në Britaninë e Madhe kanë zgjedhur të kurorëzojnë dashurinë për njëri-tjetrin në martesë.

Këtë shifër rekord martesash në ditën e Shën Valentinit e ka bërë publike zyra e përgjithshme e gjendjes civile, ku edhe do të zhvillohen martesat.

Në vendlindjen e Beatles, që i kanë kushtuar shumë këngë dashurisë, nuk mungojnë edhe superticiozët që besojnë se martesa në ditën e Shën Valentinit nuk është e gjatë.

Martesa e Elton John me Renate Blauel më 14 shkurt 1984 zgjati vetëm katër vjet. Ndërsa martesa e Kerry Kantona, ish-pjesëtares së grupit muzikor Attomic Kitten me Mark Croft, zhvilluar më 14 Shkurt 2003, do të kishte një jetëgjatësi vetëm tre-vjecare.

Megjithatë, romantikët si këngëtari Liam Gallagher me bashkëshorten Nicole Appleton vazhdojnë të lumtur jetën bashkëshortore tre vjet pasi u betuan për dashuri të pëjetëshme pikërisht në ditën e Shën Valentinit.

Të dhënat e servirura nga zyra e përgjitshme e gjendjes civile tregojnë se c’do vit në Britaninë e Madhe në 14 Shkurt lindin 1.750 fëmijë.

Beatles me këngën e tyre të zjarrtë për dashurinë kishin gjetur fjalët e duhura kur shkruajtën “gjithcka që ju nevojitet është dashuri, dashuri, dashuri”, ama jo vetëm një ditë në vit sic është dita e sotme.

Top Channel